Хөвсгөл нууранд бохироо цутгадаг байсан ААН-ийн үйл ажиллагааг зогсоолоо

Хөвсгөлийн тусгай хамгаалалттай газрын хамгаалалтын захиргаанаас хяналт шалгалтын ажиллагаа явуулж байгаа юм байна. Хяналт шалгалтын хүрээнд өнөөдөр /2020.08.25/ Хатгал тосгоны эдэлбэр газар буюу усан замын зогсоолын баруун урд байрлах "Далай ээж-1", "Далай ээж-2" зочид буудлуудын ноцтой зөрчлийг илрүүлжээ. Тодруулбал, тус зочид буудлууд нь бохир усаа насосоор татан урсгаж Хөвсгөл нуурыг бохирдуулдаг байжээ. 

Уг хэрэг дээр зохих арга хэмжээг авч үйл ажиллагааг нь зогсоож, холбогдох хуулийн байгуллагад шилжүүлэхээр ажиллаж байна. Цаашид хяналт шалгалт үргэлжилж, хууль бус үйл ажиллагаатай хатуу тэмцэхээ Хөвсгөлийн тусгай хамгаалалттай газрын хамгаалалтын захиргаанаас мэдэгдлээ.