Монгол бахархалын өдрийг тохиолдуулан арваннэгдүгээр сарын 14-нд бүх нийтээрээ амарна

Их Эзэн Чингис хааны мэндэлсэн өдрийг тохиолдуулж өвлийн тэргүүн сарын шинийн нэгэнд Монгол бахархалын өдөр болгон бүх нийтээр тэмдэглэдэг. Уг өдөр ирэх арваннэгдүгээр сарын 14-ний мягмар гаригт тохиож байна.  Тиймээс тус өдөр бүх нийтээрээ амрах юм байна.  Монгол Улсын Ерөнхийлөгчийн 2012 оны нэгдүгээр сарын 9-ний өдрийн 4 тоот зарлигаар Эзэн богд Чингис хааны мэндэлсэн өдрийг "Монгол бахархлын өдөр" болгон тэмдэглэн өнгөрүүлж байхаар тогтсон билээ.