МУГТ Н.Түвшинбаяр, Н.Түвшинбаяр, ОУХМ Ө.Дүүрэнбаяр нар эхний ялалтаа авлаа

Жүдо бөхийн насанд хүрэгчдийн Дэлхийн аварга шалгаруулах тэмцээн Азарбайжаны Баку хотод зургаа дахь өдрөө үргэлжилж байна. Өнөөдөр явагдах эрэгтэйчүүдийн +100 кг, эмэгтэйчүүдийн +78 кг жингийн барилдаанууд эхэллээ.
Эрэгтэйчүүдийн +100 кг-ын жингийн "D” хэсэгт олимпийн алт, мөнгө, ДАШТ-ий хүрэл медальт Н.Түвшинбаяр эхний тойрогт Киргызстаны бөх Бекболот Токтогоновыг цэвэр ялж, хоёрдугаар тойрогт шалгарлаа. Тэрбээр дараагийн барилдаанаа БНХАУ-ын Ян Шатонгтой хийнэ.
Мөн энэ жинд барилдаж байгаа ОУХМ Ө.Дүүрэнбаяр Венесулийн Пинедаг ялж, гуравдугаар тойрогт үлдлээ. Манай бөх Кубын Гранда Эндутой барилдахаар оноолт таараад байна. Эрэгтэйчүүдийн +100 кг-ын жинд нийт 41 бөх барилдаж байгаагаас энэ цагт хоёр, гуравдугаарт тойрогт барилдах бөхчүүд тодорч эхэллээ.