Засаг дарга БНХАУ-ын “NARI “ группийн төлөөллүүдтэй уулзалт хийв

БНХАУ-ын 100 хувь төрийн өмчийн "NARI " компанийн төлөөлөлүүд аймгийн Засаг даргатай уулзалт хийв. Тус компани эрдэм шинжилгээ, дэд бүтцийн салбарт үйл ажиллагаа явуулдаг байна.

Тодруулбал: Ус цэвэршүүлэх байгууламж, саарал усыг дахин боловсруулах эрдэм шинжилгээ, судалгааны ажил эхлүүлсэн туршлагатай компани аж. 2003 оноос эхлэн Монгол улстай хамтран ажиллах гэрээ байгуулсан гэв.

"NARI " группын үйлдвэр БНХАУ-ын Нанжин хотод байрлах бөгөөд 31 салбартай. Тус группын гадаад харилцаа эрхэлсэн захирал Henry Yu аймгийн Засаг даргатай уулзаж компанийхаа үйл ажиллагааг танилцуулж хамтран ажиллах хүсэлтээ илэрхийлэв.