Хогийн савнаас олимпийн алтан медаль олжээ
Долоон настай америк охин Хлое Смит хогийн саванд гялалзах зүйлийг сонирхон үзвэл олимпийн алтан медаль байж. Ингээд охины гэр бүлийнхэн эзнийг нь олохоор шамджээ. Алтан медалийг өнгөрсөн зургаадугаар сард автомашинаасаа хулгайд алдсанаа олимпийн аварга Жо Жекоби олон нийтийн сүлжээгээр зарласныг дуулж, улмаар холбогдон, уулзаж үнэт зүйлийг нь өгчээ.
Жо Жекоби нь 1992 оны Барселоны олимпийн наадамд каноэ завины эрэгтэй хосын төрөлд түрүүлж, алтан медалиар энгэрээ мялаасан юм. Олимпийн аварга тамирчин ачтай охины хичээл дээр очиж, ангийнханд нь содон сонирхолтой түүх ярьж өгч, талархлаа илэрхийлжээ.
Р.Гэгээ
Санал болгох
