“Аbcnews”: Монголоос олдсон чулуужсан үлэг гүрвэл энэ жилийн хамгийн том археологийн олдвор
Эрдэмтэд энэ жил археологийн чиглэлд гайхалтай олдворууд олсон. Судлаачид Атлантын далайд сүйрсэн хөлөг онгоц шинэ үлэг гүрвэлийн төрөл зүйл гэх мэт 2022 онд олон гайхалтай нээлт хийсэн.
19-р зууны үед сүйрсэн хөлөг
Флоридагийн далайн эрэг дээр хар салхины улмаас 19-р зууны сүйрсэн хөлөг гарч ирсэн. Археологичдын үзэж байгаагаар ес болон арваннэгдүгээр сард Иан болон Николь хар салхи тус мужийг дайран өнгөрсний дараа 19-р зууны үед живсэн байж магадгүй хөлөг онгоц олдсон байна. Гэгээн Августин гэрэлт цамхагийн археологийн далайн хөтөлбөрийн гишүүд хөлөг онгоцыг судалж байгаа аж. Илэрсэн онгоцны сэг 80-100 фут урттай гэнэ.
Монголоос олдсон шинэ төрлийн махчин үлэг гүрвэл
Эрдэмтэд Монголоос махчин байж болзошгүй чулуужсан үлэг гүрвэлийн олдвор олсон. Олдворыг "Natovenator polydontus" буюу "Олон шүдтэй усанд сэлдэг анчин" гэж нэрлэсэн талаар “Communications Biology” сэтгүүлд мэдээлжээ.
31 мянган жилийн өмнө мөчөө тайруулсан хүний олдвор
Эрдэмтэд 31 мянган жилийн өмнөх буюу хамгийн эртний хагалгааны аргаар мөч тайрсан нотолгоог олжээ. Уг сонирхолтой олдвор нь Борнео мужийн Зүүн Калимантан дахь Лян Тебо шохойн чулууны агуйгаас олдсон бөгөөд зүүн хөлөө тайруулсныхаа дараа олон жилийн дараа нас барсан хүнийх байжээ.
17-р зууны үеийн хөлөг
“National Geographic”-ийн мэдээлснээр археологичид Орегон мужийн хойд эргээс 1693 онд Филиппинээс Мексик рүү явж байсан 17-р зууны үеийн Испанийн “Санто Кристо де Бургос” хөлгийн үлдэгдлийг олжээ. “NatGeo”-гийн мэдээлснээр хөлөг их хэмжээний лаа зөөвөрлөсөн тул "Зөгийн лавны сүйрэл" гэсэн нэрийг авсан байна.
Санал болгох
