“Эрдэнэт үйлдвэр” нэг өдөр 9.8 тэрбум төгрөгийн худалдан авалт хийжээ

 “Эрдэнэт үйлдвэр”-ийг эх орны өмч болгож, монголчууд худалдан авсан ч цаагуураа хулгай, дээрмийн чанартай байсан хэмээн төр буцаан авсан. Гэхдээ хувийн хэвшлийнхэн гараа хэтэрхий их дүрсэн гэх үндэслэлээр  хяналт, шалгалт хийхийн тулд 2019 оны гуравдугаар сарын 06-наас эхлэн ОНЦ БАЙДАЛ  гээчийг зарласан.

Харамсалтай нь сахил хүртээд шал дордов гэгчээр төр эргүүлэн авсан ч хулгайн худалдан авалтууд нь зогссонгүй. Харин ч бүр онц байдал гээчээр халхлан хулгай дээрмийн ажлаа түргэвчлүүлж байгаа бололтой. Үндсэндээ төр “Саалийн үнээ”-гээ буцааж аваад шахааны газар болгочихсон гэсэн үг.

Уг нь Засгийн газрын ХЭГ-ын дарга Л.Оюун-Эрдэнэ онц байдал тогтоосон тухайгаа “Засгийн газраас “Эрдэнэт” үйлдвэрт зургаан сарын хугацаатай онцгой байдал тогтоох шийдвэр  гарсан. Ингэхдээ үйлдвэрийн үйл ажиллагаанд ямар нэг доголдол гарахгүй. Санхүүд шалгалт хийнэ гэсэн үг...” гэж байсан. Гэхдээ үнэхээр шалгалт хийсэн үү шахаагаа өргөжүүлсэн үү гэдгийг баримтаар харуулахад цочмоор.

Уг нь Монгол Улсын Засгийн газарт эрх олгох тухай хуулийн 2.4-т үндсэн ба эргэлтийн хөрөнгө, түүний дотор түүхий эд, материалын нийлүүлэлт, зарцуулалт, үйлдвэрлэсэн бүтээгдэхүүний хадгалалт, хуваарилалт, тээвэрлэлт, борлуулалтад нь тусгай хяналт тогтоох;

2.8 онцгой дэглэмтэй үйлдвэрийн газар, байгууллагаас бусадтай байгуулсан гэрээний болзлыг зайлшгүй шаардлагатай тохиолдолд захиалагч /бэлтгэн нийлүүлэгч/-ийн хууль ёсны ашиг сонирхлыг хохироохгүйгээр өөрчлөх буюу гэрээг цуцлуулах; гэж заасан байдаг.

Харамсалтай нь Засгийн газар “Эрдэнэт үйлдэр”-ийг 100 хувь төрийн болгож аваад, төлөөний хүн хэмээн Х.Бадамсүрэнг ерөнхий захирлаар томилоод юун хууль хэрэгжүүлж, хяналт тогтоох ердөө л хулгайгаа өөрсдийн хүнээр хийлгэсэн болох нь харагдах биз ээ.

Дээр хийгдсэн худалдан авалтыг Тендер шалгаруулалтын онцгой журмын дагуу шууд гэрээ байгуулсан гэх тодотголоор халхавчлах ажээ.