АНУ БНАСАУ-тай хэлэлцээ хийхэд бэлэн байна
Сүүлийн үед, АНУ, БНАСАУ-ын харилцаа ширүүснээс болж Солонгосын хойгийн байдал хурцадсаар байна. АНУ-ын төрийн нарийн бичгийн дарга Теллерсон өчигдөр VIII/15-нд АНУ, БНАСАУ-тай яриа хэлэлцээ хийхэд бэлэн байна гэжээ.
Теллерсон мөн өдөр Америкийн төрийн департаментад сэтгүүлчдэд "АНУ, БНАСАУ-тай хэлэлцээ хийх арга зам хайхад бэлэн байна. Гэвч хэлэлцээ хийх эсэх нь БНАСАУ-ын удирдагч Ким Чен Унаас шалтгаална" гэжээ.
Өмнөх өдөр нь Теллерсон, АНУ-ын Батлан хамгаалахын /Пентагон/ сайд Матис нар Уолл стрит сонинд хамтран нийтлэл бичиж "Дипломат арга бол Умард Солонгосыг ятган зөв замд оруулах тэргүүн сонголт юм. АНУ БНАСАУ-д энх тайвнаар дарамт үзүүлж байгаа нь Солонгосын хойгийг цөмийн зэвсэггүй болгохын төлөө юм" гэжээ
М.Баяр
Санал болгох
