Энэ өдрийн зурхай /2017.06.09/
Өнөөдөр аргын тооллын 2017 оны зургаадугаар сарын 9. Баасан гараг. Билгийн тооллын XVII жарны "Алтан унжлагат" хэмээгч Гал тахиа жилийн зуны тэргүүн хөхөгчин могой сарын шинийн 15. Сугар гараг. Эрхтэний тэнгэрт одтой, Дөрвөн ногоон мэнгэтэй, улаагчин туулай өдөр.
Барилдлага: Шид
Шүтэн барилдлага: Авахуй
Суудал: Огторгуй
Өдрийн наран 5 цаг 04 минутад мандан, 20 цаг 45 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал өлзийтэй сайн хэмээжээ.
Үс шинээр үргээлгэх буюу засуулбал өлзийтэй сайн.
* * *ӨРНИЙН ЗУРХАЙ * * *
ХОНЬ (3/21-4/19)
Худал, хуурмаг, хуурамч мэдээлэл, мартамхай болох, хэрэгтэй харилцаа холбоо тасрах зэрэг үйл явдлууд тохиолдож болзошгүй. Таныг амжилтад хүрэхэд саадгүй шууд харилцаа, идэвхтэй шилжилт хөдөлгөөн гол үүрэг гүйцэтгэнэ. Автомашин ба гар утас таны амжилтын хамгийн гол хэрэгсэл болно.
ҮХЭР (4/20-5/20)
Өнөөдөр олон хүмүүс захирагдаж байх нь ашигтай хожоотой байх болно. Илүү хариуцлага ялангуяа материаллаг хариуцлага өөртөө хүлээх хэрэггүй. Өөр хэн нэгэн яалтгүй тулгахгүй бол үүнийг хийх онцгой санаачлага гаргах хэрэггүй, ингэснээр зөвхөн алдагдал хохирол л хүлээх болно.
ХАМТАТГАХ (5/21-6/21)
Хэдийгээр таны муу зуршлууд эмчид очих дургүй байдал тань эрүүл мэндэд сөргөөр нөлөөлөх авч од эрхэс таны эрүүл мэнд сайн байхыг зааж байна. Байгалийн гаралтай эмүүд хэрэглэ. Тэдгээр нь таны эрүүл мэндийг сайн байлгаад зогсохгүй эрч хүчийг тань сайжруулна.
МЭЛХИЙ (6/22-7/22)
Аз туршсан өдөр. Өөрийгөө аюулд учруулж болзошгүй. Атаа жөтөө хэнд ч хэрэггүй. Өөртөө эзэн болж атаа жөтөөнөөс хол бай. Харьцаанд чинь нэг зүйл болохгүй байвал дүгнэж шалтгааныг нь ол. Хий хоосон санаа зовсноор та аз жаргалтай болохгүй.
АРСЛАН (7/23-8/22)
Энэ өдрийн сүүлийн хагаст таны амьдралд ахиц гарна. Хувь заяаг чинь өөрчлөнө. Ажлын төлөө хүч дайчлахгүйгээр амжилтад хүрэхгүй. Өмнө байсан бүх сайхан санаагаа ирээдүйдээ хэрэгжүүл. Хувь заяандаа бүү гомд. Та бүх зүйлийг мартах гэж дэмий хичээж байгаа бололтой. Сэтгэл санааны болон биеийн хүчний ачаалал ихтэй байна.
ОХИН (8/23-9/22)
Өнөөдөр алдсан ажил хэргээ нөхөж чадна. Олон нийтийн өмнө үг хэлбэл үнэмшилтэй, сонирхолтой болно. Сэтгэл хөдлөлдөө бүү авт. Яг юу хийхээ эртнээс урьдчилан бод. Чухал асуудлаас бүү хазай. Ихэнх охиныхон өнөөдөр өнгөрсөн асуудлаа шийдвэрлэх, гомдоосон нэгээсээ болж шинэ хүнийг сонгож болзошгүй. Илэн далангүй байснаар харилцаагаа сэргээж болох юм. Таны найрсаг сайхан зан гэр бүл болоод төрөл төрөгсдийг холбож өгнө.
ЖИНЛҮҮР (9/23-10/22)
Энэ өдрийн үйл явц, танд сайнаар нөлөөлнө. Та тэвчээртэй хүлээцтэй байна уу хэцүү хүнд үед эцэг эхээсээ зөвлөмж аваарай. Санхүү болон хуулийн асуудалд анхаарлаа хандуулах хэрэг гарна. Сарын төлөвлөгөөнд засвар орно. Бүү бууж өг. Өөрчлөгдсөн байдлаар нь төлөвлөгөөгөө боловсруул.
ХИЛЭНЦ (10/23-11/21)
Өнөөдөр та сэтгэгдэл төрүүлэх чадвар, цог золбоо, зохион байгуулах авьяастай байна. Гэвч шууд хариуцах үүрэгтээ хөнгөмсөг хандсанаасаа болж таны ойрын хамаатан, танилуудтайгаа эвдрэлцэж мэднэ. Зугаа цэнгэл хөөцөлдөх гэж тэмүүлэхийн оронд ажил төрлөө бодож байсан нь дээр. Мэргэжлийн ур чадвараа дээшлүүлж, нэр хүндээ бэхжүүлэхэд тохиромжтой байна.
НУМ (11/22-12/21)
Та бие махбодийн хувьд эрүүл чийрэг байгаа боловч сэтгэл санааны хувьд тааруухан байна. Харилцаа холбоо тасрах, албан хүчээр салж хагацах магадлалтай. Тийм таатай бус ханддаг хүмүүстэйгээ харьцахаас зайлсхий. Тэд таны сэтгэл санааны тогтвортой байдлыг алдагдуулна гэдгийг зөвлөж байна.
МАТАР (12/22-1/19)
Хорхой хүргэм боловч хуурамч зүйлд уруу татах өдөр. Ажил дээр тань томилолтоор явахыг санал болговол татгалзаарай. Осол, санхүүгийн гарзтай учирч болзошгүй. Саад тотгор таны ажлыг удаашруулна. Энэ өдөр таны ажил болон эрүүл мэндэд ямар нэг зүйл тохиолдож болзошгүй. Ялангуяа бизнесменүүд анхааралтай байж бүх зүйлээ тооцоол.
ХУМХ (1/20-2/18)
Өнөөдрийн хувьд зорилготой, авхаалжтай хүмүүст таатай өдөр. Таны дур булаах чадвар ихэснэ. Тэд эргэн тойрныхноороо хайрлуулж, хүндлүүлэх болно. Мөн ажил дээр ч урагштай хийсэн бүтээсэн чинь саадгүй сайхан бүтнэ.
ЗАГАС (2/19-3/20)
Ажил дээрх мөн гэр бүл дэхь байдал сайжирна. Ашиг орлого олж магадгүй. Мөн танай гэр бүлд шинэ хүн мэндлэх буюу удахгүй мэндлэх тухай баяртай мэдээ сонсоно. Сарын сүүлээр таны түшиг тулгуур чинь ойр дотныхон, танилууд хамаатнууд тань байх болно. Хүмүүсээс зайгаа барих хэрэггүй.
Санал болгох
