САЯТАН ЗАЛУУ БУЛЬДОЗЕРООР БҮХЭЛ БҮТЭН ТОСГОНЫГ ГАЗАРТАЙ НЬ ТЭГШЛЭВ
Тосгоны гаралтай Сенг нь ядуу нэгэн байсан бөгөөд барилгын салбарт амжилттай ажиллан багагүй хөрөнгө хуримтлуулан, түүнийгээ төмөрлөгийн үйлдвэрийн салбарт хөрөнгө оруулснаар толгой эргэм амжилт гарган, ирээдүйн саятан нэгэн болж чаджээ.
Тэрээр хуучин тосгонд нь хүмүүс амьдарч байгааг мартаагүй бөгөөд толгойнд нь нэгэн мэргэн санаа төрсөн гэдэг.
Ингээд тосгоны бүх байшинг газрын хөрснөөс арчин, оронд нь орчин үеийн шинэ орон сууцууд барихаар шийдсэн байлаа.
Хамгийн түрүүнд бохир, заваан гудамжнуудыг бүгдийг нь асфальтаар хучив. 72 гэр бүл цоо шинэ байранд нүүж орсон бөгөөд үлдсэн 18 гэр бүлд хувийн байр бэлэглэв.
Түүний бага насны туулж өнгөрөөсөн өлсгөлөнт он жилүүдэд эдгээр 18 гэр бүлийнхэн онцгой ихээр тусалдаг байсан ажээ.
"Би үрж байгаагаасаа илүү орлого олдог. Хүн хэзээч өөрийнхөө гарал үүслээ мартдаггүй байх ёстой. Намайг өлсөж байх үед туслаж байсан эдгээр хүмүүс хүртэх ёстой зүйлээ л авч байна. Би тэдэнд өрөө төлж байна" хэмээн хятад саятан тайлбар хийжээ.
Бүх юм ингээд дууссангүй. Бизнэсман залуу тусгай зоогийн газар бариулаад тосгоныхоо хамгийн ядуу иргэдийг өдөрт 3 удаа үнэгүй хооллож байдаг юм байна.
Үлгэр юм шиг санагдаж байж болох л доо. Гэвч хүний нийгмийн хамгийн доод давхаргаас төрсөн энэ жаалхүү, өөрт нь туслан дэмжиж байсан хүмүүс, төрсөн тосгоныхондоо үйлдсэн буян нь үнэн түүх юм. Алтан зүрхтэй хүнийг л хамгийн баян гэдэг билээ.
Эх сурвалж: Гвоздь
Бэлтгэсэн: Ж.Зоригт
Санал болгох
