Намибийн боскчин өрөөний үйлчлэгчийг хүчирхийлэхийг завджээ
Хагас хөнгөн жингийн төрөлд хүч үзэх 22 настай боксчин Жонас Жуниус Олимпын тосгоны байрны үүдний өрөөнд өрөөний үйлчлэгч бразил бүсгүйг хүчиндэхийг завджээ.Тэрбээр үйлчлэгч бүсгүйд мөнгө санал болгосон аж. Харин үйлчлэгч бүсгүй тэндээс зугтан цагдаад энэ тухай мэдэгдсэн байна. Цагдаа нар хэлэхдээ "Энэ бүсгүйн өгсөн мэдээлэлтэй холбогдуулан сэжигтэн ам нээгээгүй байна” гэв. Энэ хэрэгт холбогдоод байгаа боксчин залуу өнгөрсөн долоо хоногийн баасан гарагт болсон Риогийн Олимпын нээлтийн ёслолын үеэр Намиби улсын тугийг барьж явсан хүн юм. Тэрбээр маргааш тэмцээнтэй байсан юм. Үүнээс өмнө тамирчдын тосгоны үйлчлэгч хоёр эмэгтэйг хүчирхийлэхийг завдсан хэргээр Мороккагийн боскчныг мөн баривчилж байжээ.Харин Риогийн Олимпыг зохион байгуулах хороо "Ийм хэрэг болох ёсгүй. Бид шаардлагатай арга хэмжээг авна” гэжээ.Д.Од
Санал болгох
