Дарханд ажлын байрыг нэмэгдүүлэх олон боломж байна

УИХ-ын сонгуулийн 43 дугаар тойрогт МАН-аас нэр дэвшиж буй эдийн засгийн ухааны, доктор, дэд профессор Баагаагийн Баттөмөр өчигдөр Дархан-Уул аймгийн 5-8 дугаар багт сурталчилгааны нээлтээ хийн, иргэдтэй уулзлаа.

МАН-аас эдийн засгийн хямралыг давах, иргэдээ ажилтай орлоготой болгох зэрэг өнөөгийн нийгэмд тулгамдаж буй олон асуудлуудыг мөрийн хөтөлбөртөө тусгасан. Үүнээс дарханчуудад чиглэсэн хүнд болон хөнгөн үйлдвэрүүдийг байгуулж, өргөтгөх замаар ажлын байрыг нэмэгдүүлэх хөтөлбөр иргэдийн анхаарлыг ихэд татаж байсан юм.
Тодруулбал, Хар төмөрлөгийн үйлдвэрийг өргөжүүлж, бүтээгдэхүүний нэр төрлийг олшруулах,  өмнө нь хийгдэж байсан зураг төсөл дээр тулгуурлан нефть боловсруулах зэрэг үйлдвэрийг байгуулах боломжтой аж. Мөн арьс шир, ноос боловсруулах, барилгын материалын гэх зэрэг 5-6 хөнгөн үйлдвэрийг бүтээн босгохоор тусгажээ. Үүний зэрэгцээ жижиг, дунд үйлдвэрийг ч мөн орхилгүй бодлогоор дэмжих боломжтой талаар нэр дэвшигч Б.Баттөмөр ярьж байлаа.

УИХ-ын сонгуулийн 43 дугаар тойрогт нэр дэвшигч Б.Баттөмөрийн сонгуулийн штаб.