АНУ-д сүүний фермд дэлбэрэлт болж 18000 үхэр үрэгджээ

АНУ-ын Техас дахь сүүний фермд дэлбэрэлт болсны улмаас 18 мянган үхэр үрэгджээ. Түүнчлэн хүндээр шархдаж, эмчлэх боломжгүй үхрүүдийг устгалд оруулсан байна.

Мөн дэлбэрэлтийн үеэр нэг хүн хүндээр шархаджээ. Үйлдвэрийн машин механизм хэт халснаас болж метан хий ялгарч дэлбэрэлт болоход хүрсэн байж болзошгүй гэж албаныхан үзжээ. 2018-2021 оны хугацаанд АНУ даяар фермийн гурван сая орчим амьтан галд үрэгдсэн гэсэн албан тооцоолол байдаг аж. Үүний 1.7 сая нь тахиа юм байна. Энэ тоо фермийн аж ахуйн галын аюулгүйн ажиллагааг сайжруулах шаардлагатайг харуулж байна гэж холбогдох албаныхан үзэж байна.