АНУ-ын Хөдөө аж ахуйн яамтай хамтран ажиллана
🕔 2023/01/17 16:46
![](/uploads/posts/2023-01/1673944672_325851544_707850437539330_6951453179721531973_n.jpg)
БОАЖЯ-ны ТНБД Э.Баттулга АНУ-ын Хөдөө аж ахуйн яамны төлөөллийг хүлээн авч, харилцан ойлголцлын санамж бичигт гарын үсэг зурлаа.
![](https://news.zindaa.mn/uploads/images/325737568_701719648088149_2798169350872092160_n.jpg)
Энэхүү Олон Улсын хөтөлбөрийн зорилго нь зэрлэг амьтан, ургамлын эсрэг гэмт хэрэгтэй тэмцэх, урьдчилан сэргийлэх үндэсний чадавхыг бэхжүүлэхэд орших бөгөөд төслийн хүрээнд дараах зорилтуудыг хэрэгжүүлнэ.
Үүнд:
- Зэрлэг амьтан, ургамлын гэмт хэргийн шинжтэй худалдаа наймаанд онцгой анхаарч, уг асуудлаарх ойлголтыг сайжруулах;
- Зэрлэг амьтан, ургамлын гэмт хэрэг, наймаа, түүнтэй холбоотой байгалийн нөөцийн гэмт хэрэгтэй тэмцэхэд хууль сахиулах үр дүнтэй стратегийг хэрэгжүүлэхэд хувь нэмэр оруулах;
- Зэрлэг амьтан, ургамлын гэмт хэрэг, наймаатай тэмцэх үндэсний, бүс нутгийн болон олон улсын сүлжээ, хамтын нийгэмлэгийн үйл ажиллагааг бэхжүүлэх юм.
![](https://news.zindaa.mn/uploads/images/325947316_573204937671713_8342151945223163350_n.jpg)
Уг төсөл нь Монгол Улсын урт хугацааны хөгжлийн бодлого “Алсын хараа-2050”, “Шинэ сэргэлтийн бодлого”, Засгийн газрын 2020-2024 оны үйл ажиллагааны хөтөлбөр зэрэг хөгжлийн бодлого хөтөлбөрт туссан Зэрлэг амьтан, ургамлыг хамгаалах, зохистой ашиглах зорилтын хэрэгжилтийг хангах юм.
скачать dle 12.0