Тавантолгой-Гашуунсухайт чиглэлийн төмөр замыг долдугаар сард ашиглалтад оруулна

Засгийн газрын ээлжит хуралдаанаас гарсан шийдвэрүүдийг танилцуулж, УУХҮ-ын сайд Г.Ёндон мэдээлэл өглөө. Тэрээр “Ерөнхий сайд өнгөрсөн долоо хоногт болон бусад сайд нарын хамтаар Өмнөговь аймагт томилолтоор ажилласан. Энэ үеэр Оюу толгойн 50 сая.ам долларын хөрөнгө оруулалтаар Ханбогд сумын хөгжлийн төлөвлөгөөг танилцуулж баталсан. Ингээд Ханбогд сум бүх асуудал нь шийдэгдсэн орчин үеийн хот болох ажил эхэлж байна.

Тавантолгой-Гашуунсухайтын боомт дээр шилжүүлэн ачих терминал байгуулах бүтээн байгуулалтын ажилтай танилцлаа. Терминалын ажил эхлээд явж байгаа. Ерөнхий сайдын олимпын айлчлалын үеэр төмөр замын холболтын цэгийн ажил шийдэгдсэн бөгөөд энэ бүтээн байгуулалтын ажил дуусахаас өмнө эхлээд Тавантолгой-Гашуунсухайт чиглэлийн төмөр замын бүтээн байгуулалтын ажил долдугаар сард ашиглалтад орохоор байгаа. Төмөр замаар холбогдох хүртэлх хугацаанд шилжүүлэн ачих терминал ихээхэн гол үүргийг гүйцэтгэх болно. Ингэснээр ердийн авто тээврээр тээвэрлэхээс дөрөв дахин өртөг багатайгаар төмөр замаар тээвэрлэлт хийнэ” гэлээ.