“Шилэн” Цогоо хуудуутай төсвийг илчиллээ

Намрын чуулган өнөөдөр эхэлж, нэн тэргүүнд ирэх 2022 оны төсвийг хэлэлцэх учиртай. Гэтэл Сангийн яамнаас өргөн мэдүүлэхээр зэхэж байгаа төсөв дотор хуудуутай зүйл байгааг “Шилэн” хэмээх Цогоо цахим орчинд жиргэжээ. Тэрбээр ингэхдээ “2022 оны төсөв харжээ суухнээ Сангийн яамыг "Найркачид" найрчихжээ. 60 тэрбумын татвараас зайлсхийдэг овоо муу гарууд вэ. Найруулсан бензин хийдэг НАФТА-д оногдуулсан Онцгой албан татварыг ахиад чөлөөлөхөөр оруулаад ирлээ. Хуулийн энэ хэсгийг хас. Татвараа ав, Сангийн яам ичээрэй. Болдын Жавхлан” хэмээн жиргэжээ.

Уг нь Онцгой албан татварын тухай хуульд “Бүх төрлийн согтууруулах ундаа, бүх төрлийн тамхи, автобензин, дизель түлш, газрын тосны үйлдвэрлэлийн дайвар бүтээгдэхүүн керосин” зэрэг бүтээгдэхүүнд онцгой албан албан татвар ногдуулахыг зохицуулж өгчээ. Гэтэл Сангийн яам, Болдын Жавхлан сайд маань 60 тэрбум төгрөгийн татвараас зайлхийсэн төсөв оруулж ирж байгаа бололтой. Өөрөөр хэлбэл сайд нь, яам нь хуулиа зөрчөөд сууж байгааг “Шилэн” Цогоо ил болгож байгааг олон нийт таатай хүлээн авч байна.

Тайлбарлаж хэлэхэд НАФТА-д оногдуулсан онцгой албан татварыг чөлөөлнө гэдэг хуурамч шатахууны үйлдвэрлэлийг дэмжиж байна гэсэн үг. Газрын тосны дагалдах дайвар бүтээгдэхүүнийг татваргүй оруулж ирээд хуурамч шатахуун найруулдаг гэмт бүлэглэл байдаг юм. Хуурамч шатахуунаас үүдсэн маргаан өнөөдрийг хүртэл тасраагүй. Хуурамч шатахуунаас үүдэн иргэд машин тэргээ эвдэж, хөрөнгө мөнгөөр хохирох үзэгдэл байсаар байна. Шатахуун хэрэглэгчдийн холбооноос үүнийг зохицуулах гэж удаа дараа мэдэгдэл хийж тэмцэж байгаа ч Төрийн сайд нь ийнхүү татвараас чөлөөлж дэмжээд байхаар яах билээ.