Сон Ён Ранд хүндэтгэл үзүүллээ

Аймгийн Засаг дарга А.Энхболдын зүгээс Койка ОУБ-ын Монгол дахь Суурин төлөөлөгч Пак Сү Ёнд Смарт сургууль төслийн хүрээнд хамтран ажиллах саналыг тавьсан юм. Тэрбээр судалж үзэн боломж байвал уг төсөлд хамтран ажиллах болно гэдгээ илэрхийллээ. Койка ОУБ нь хоёр жилийн өмнөөс хийх ажлуудаа төлөвлөдөг учраас аймгийн ЗДТГ-тай хамтран цаашид хэрэгжүүлэх ажлуудыг судлах юм байна. Тус байгууллага нь манай аймагт 20 жилийн хугацаанд үйл ажиллагаа явуулахдаа гурван томоохон төсөл, сайн дурын гишүүдийн 11 төслийг хэрэгжүүлсэн байна.

Энэ өдөр Аймгийн Засаг дарга А.Энхболд Койка ОУБ-ын сайн дурын гишүүн, багш Хүүхдийн эрүүл мэндийн төвийг санаачлагч Сон Ён Раныг гэр бүлийн хүний хамт "Найрамдлын Дархан” тэмдгээр шагнасан нь тус тэмдгээр гэр бүлээрээ энгэрээ мялаасан анхны тохиолдол боллоо. Сон Ён Ран багшийн гэр бүлийн хүн болох Ким Жин Ил нь Дархан дахь ШУТИС-д багшилдаг төдийгүй хүмүүнлэгийн олон үйлст хамтран ажиллажээ.