Утаснаасаа улиас ургуулж эхэлжээ

Ухаалаг түрийвчний хэрэглээ, соёлыг түгээж буй Pass аппыг ашиглан гар утаснаасаа 100kУлиас төгөл байгуулах ажилд 200,000 хэрэглэгч оролцож эхлээд байна.

Хэрэглэгчдийн өмнөөс 100,000 улиас мод тарьж ургуулах ажлыг апп бүтээгч Дата Бэйнк компани Чингэлтэй хайрханы өвөрт байрлах “Хайрхан Хөгжлийн Төв Соёл, Спорт, Амралт, Аялал, Жуулчлалын Цогцолбор”-ын газарт эхлүүлж, эхний ээлжийн 200 модыг тариалсан байна. Цаашид компанийн зүгээс цөлжилт эрчимтэй явагдаж буй бүс нутаг болон Нийслэл, Төв аймаг дахь ногоон байгууламжуудад мод тариалах ажлыг эрчимтэй өрнүүлэхээр төлөвлөж байна.

Ухаалаг түрийвчиндээ төлбөрийн картуудаа холбосон иргэд өдөр тутмын төлбөр тооцооны гүйлгээ хийх бүрдээ “дусал” урамшууллын оноог хураах бөгөөд 200 дусал нь нэг мод болж хэрэглэгчийн нэр, шошготойгоор төгөлд ургах юм.

Pass ухаалаг түрийвчийг найман сарын турш идэвхтэй ашиглан 3 модтой болсон хэрэглэгч Б.Гэрэлтцолмон тус аппад нэгдэхээс өмнө мод тарих ажиллагаа 2, 3 удаа явуулж байсан ч мод нь ургалгүй бүтэлгүйтэж байсан ажээ. Тэрээр “Хүн амьдралдаа 3 зүйлийг заавал хийх хэрэгтэй. Түүний нэг нь мод тарих. Ялангуяа цэвэр усны хомсдол, цөлжилт, агаарын бохирдол гээд сүүлийн үед дэлхийн нийтийг хамарч буй маш чухал асуудлыг шийдэхэд хувь хүнийхээ хувьд бага ч болов хувь нэмэр оруулахыг хичээдэг. Зүгээр суулгүй аппликейшнээр мод тарихаар шийдсэн маань биеллээ олж байгаад маш их баяртай байна” хэмээн онцолсон юм.

Яг түүн шиг олон мянган хэрэглэгчид өдөр бүр талх, хүнсээ авахдаа Pass түрийвчээ ашиглаад байгаль дэлхийдээ хувь нэмрээ оруулж байна.

Улс орон даяар байгаль дэлхийгээ ой моджуулах аян идэвхтэй өрнөж байгаа энэ үед өдөр тутмын технологийн хэрэглээгээрээ дамжуулан мод тарих үйлсэд нэгдэх боломж ийнхүү бүгдэд нээлттэй болжээ.

Хэрэв та Pass түрийвчийн хэрэглэгч хараахан биш бол #100kУлиас төгөлд яг одоо нэгдээрэй.

Татаж авах холбоос: https://pass.mn/getapp